Agarda que a súa marcha supoña un cambio na xestión da política cultural
realizada polo equipo de goberno de Vilagarcía de Arousa.
Diante das novas aparecidas no día de hoxe polas que
se informa da dimisión do Concelleiro de
Cultura de Vilagarcía de Arousa, o Grupo
Local de ANOVA – Irmandade
Nacionalista non pode menos que celebrar a súa dimisión, que por outra parte xa se debeu
producir hai meses por cuestións
puramente éticas e estéticas.
ANOVA lembra que xa
tiña
solicitado publicamente a dimisión do Concelleiro hai tempo, a través da distribución duns folletos titulados “O enterro da
cultura...” (achégase copia). Nestes folletos informábase aos cidadáns sobre as intencións deste Concelleiro
e do PP de implantar o pago polo uso de
locais públicos e centros
veciñais, de poñerlles taxas aos
grupos musiciais polo acceso aos locais de ensaio e tamén pola utilización dos espazos de
exposición cultural. Xa criticabamos daquela a falta e diálogo do Concelleiro,
a carencia de planificación cultural do
Concello e pediamos a súa dimisión “por non ter
lexitimidade para exercer un cargo despois das subvencións cobradas pola
asociación que representaba e das que non se sabe, ou non se quere
dar conta”.
A semana pasada continuamos a solicitar
a súa dimisión, xa concretamente
pola falta de explicacións claras sobre a
xustificación da actividade “Feirón Solidario”, utilizando incluso
o nome doutras asociacións e ONGs que si fan
traballo social... Nesta ocasión
tamén fixemos carteis e
folletos informativos que distribuímos por toda Vilagarcía.
Por todo iso, celebramos a dimisión, e demandamos que se aclare toda esta cuestión das subvencións á asociación Dobre Espacio, xa que ninguén pode percibir diñeiro público, de todos os cidadáns, para actividades que non se realizan. Neste sentido temos a sospeita de que a súa dimisión tamén se produce para evitar que se siga a investigar todo o “conglomerado” que hai detras da “Federación de Asociacións Xuvenís e Prestadoras de Servizos á xuventude (FEXUGA), con asociacións vinculadas a membros do Partido Popular e de Nuevas Generaciones, moitas delas sen ningún tipo de actividade, e que supostamente recibiron importantes axudas tanto da administración central como do goberno da Xunta de Galicia.
O Grupo Local de
ANOVA agarda, aínda que con poucas esperanzas, que a marcha do Concelleiro
sirva tamén para correxir os moitos erros que se teñen cometido na xestión da política cultural do
Concello de Vilagarcía,
así como para reconducir as malas relacións existentes entre
o Concello e moitas das entidades veciñais e culturais, malas relacións que incluso teñen levado ao equipo
de goberno a desconfiar dos seus propios veciños, impoñendo ordenanzas e medidas que rozan o
absurdo e a illarse do tecido cultural.
Así, esperamos que se retome o diálogo coas entidades
e que se reformule a ordenanza de uso dos locais recollendo as achegas das
asociacións e garantindo a
gratuidade dos mesmos. Tamén
que se mellore a coordinación
coas agrupacións culturais que
permitan unha adecuada planificación da programación contando coas
entidades locais e finalmente solicitamos que se poñan en funcionamento
novamente os locais de ensaio, e que o acceso aos mesmos sexa gratuíto para para grupos
noveis de Vilagarcía de Arousa.
Se non é así, dende ANOVA
manteremos a oposición ao equipo de goberno, denunciando a asfixia e intentos de “enterrar” a cultura en
Vilagarcía de Arousa e apoiando e aplaudindo as iniciativas cidadás que impiden que
esas intencións se fagan realidade.
En
Vilagarcía de Arousa, a 21 de Agosto de 2013.
No hay comentarios:
Publicar un comentario