O presidente da Xunta inverte agride á oposición coa conivencia da presidenta do Parlamento

Alternativa Galega de Esquerda (AGE) denuncia o comportamento nas súas comparecencias parlamentarias do presidente da Xunta, quen inverte os roles, non responde ás preguntas, e agride e descualifica á oposición por exercer as súas funcións. A Presidencia da Cámara, no entanto, nunca o chama á cuestión nin, de ser o caso, á orde.

Pleno após pleno, a presidenta do Parlamento coarta sistematicamente os dereitos da oposición e non é quen de cumprir as funcións arbitrais do seu cargo. Esta mañá, unha vez máis, Pilar Rojo deu un recital de como non levar un debate na Cámara e de como, no canto de exercer a imparcialidade, converterse nun axente ao servizo do Partido Popular. As chamadas á orde aos parlamentarios da oposición sucédense de maneira arbitraria. Mentres, nas bancadas da dereita, ateigada de hooligans que patean os escanos cada vez que un deputado de AGE, PSdeG ou Bloque exerce a crítica á Xunta, todo transcorre sen que Rojo as chame á orde. Hoxe, ademais e de maneira totalmente unilateral, a presidenta do Parlamento decidiu expulsar á deputada de Alternativa Chelo Martínez e volveu amosar a súa absoluta falta de imparcialidade e as diferentes vara de medir que emprega ante o grupo que apoia ao Goberno e os grupos que non o fan.

Xosé Manuel Beiras denuncia “as aventuras demenciais” en que se embarcaron as caixas e “a fraude sen control” das preferentes

O portavoz de Alternativa Galega de Esquerda equipara as normas do Goberno de Rajoy cun imaxinario apoio aos gangsters no Chicago dos anos vinte e trinta

As denominadas participacións preferentes, unha estafa organizada por bancos e caixas e posibilitada pola lasitude ética do neoliberalismo que afecta a 85.000 persoas en Galicia, foron “unha fraude sen control ningún”. Así o expresou o portavoz de Alternativa Galega de Esquerda (AGE), Xosé Manuel Beiras, quen se preguntou “onde estaba daquela o Banco de España, cando comezou este crime social na época do que o chorado Sampedro chamaba o aznarato”. AGE apoiou cos seus votos unha proposición de lei do BNG para garantir a devolución íntegra do valor nominal das participacións, finalmente respaldada por toda a Cámara.

O grupo local de Anova de Meaño denuncia a inseguridade da nova rotonda en A Chanca

Anova Meaño apoia as queixas veciñais sobre a rotonda da Chanca no tramo da PO-550 no paso por Dena, que despois de 10 meses de obras interumpidas en varias ocasións o resultado fora tan lamentable, xa que a rontonda ademais de ser estreita esta desaliniada coa propia calzada facendo asi perigoso o transito da circulación, xa que é un treito con unha densidade de trafico moi importante xa que une as poboacións de Vilalonga con Dena, na que xa anteriormente as obras había un alto indicie de siniestralidade e ditas obras non melloraran a seguridade dos conductores e peóns, sinon que aumentaran o risco de acidentes nesta rotonda. Dende Anova Meaño esiximos que o concello valore as queixas dos veciños sobre esta polemica rotonda antes de que lamentemos danos persoais e materiais, e axilice os tramites para que os veciños afectados polas expropiacóns poidan cobrar o antes posible sin ter que esperar moitos anos.

Anova Sanxenxo oponse a nova ampliación do porto

Dende ANOVA Sanxenxo pedimos o goberno local que se opoña a nova ampliación do porto de Sanxenxo, posto que calquera modificación da presente infraestrutura causará un dano irreversible nos areais, tanto na praia da Panadeira como na dos Barcos,esta ultima xa en estado lamentable. Dubidamos moita de que haxa un estudo de impacto ambiental, xa que se o houbera seria totalmente negativo. So hai que acercarse hasta esta praias e observar como se están colocando os pilotes a pé de praia, reducindo considerablemente o espazo para o baño desta fermosa praia urbana, e cando se coloquen os pantaláns, e os barcos empecen a manobrar onde van acabar os restos de combustible, pois na praia. Por certo en principio se nos di que son pantaláns para vela e iso significa que unha empresa privada como e o Club Náutico pode facer o que lle veña en gana, prexudicando ao pobo de Sanxenxo, pois vai ser que non. Mentres todo isto pasa o Concello como non podía ser doutro xeito( tratándose dun goberno Popular)mira para outro lado, e que alguén cree que a señora alcaldesa vai enfrontarse a Portos de Galicia e o Club Náutico en defensa dos seus veciños, pois si alguén o cree esta moi equivocado. Ademais dende ANOVA a pesar de ser unha agrupación de recente creación, as persoas que nos atopamos nela non esquecemos o que ocorreu fai anos coa construción do actual porto, o cal tivo consecuencias desastrosas para unha das praias máis emblemáticas do concello como é a praia de Silgar. Para ANOVA Sanxenxo valoramos todas e calquera das nosas praias o mesmo nivel, tanto como se se chama Silgar ou Panadeira, posto que un bo día en Sanxenxo pode facer que todas as praias do concello se completen, por iso valoramos cada centímetro de areal como un aliciente turístico e un emblema con todas as bandeiras azuis, que o concello debería seguir levando. Pois con todo isto propoñemos que non se leve a cabo esta obra e que sigan tendo a mesma posta en valor os areais, e que un aumento no número de amarres non é necesariamente un aumento no número de turistas se con isto esnaquizamos os lugares onde os propios turistas poden tomar o sol e relaxarse.

Fracaso histórico da Xunta ao non evitar que Alimentos Lácteos entrase en concurso de acreedores

Alternativa Galega de Esquerda (AGE) quere manifestar a súa solidariedade cos traballadores e traballadoras de Alimentos Lácteos S.A. que hoxe entrará en concurso de acreedores despois de moitos meses nos que se lle esixiu a Xunta de Galicia que fixera fronte a súa responsabilidade xa que nesta empresa investiuse máis de 9 millóns de euros dos fondos públicos e agora deixase caer sen facer nada por evitalo.

O deputado de AGE, Antón Sánchez, lembra que son máis de mil os gandeiros aos que se lles deben cartos con débedas millonarias. Así mesmo, a entrada en concurso de acreedores deixará sen traballo a 81 traballadores e traballadoras no que se traduce nun fracaso histórico para o sector que fará moi difícil a creación dun novo grupo lácteo galego cando o problema real xurdiu na propia creación de Alimentos Lácteos cunha mala planificación e xestión que condenaba ao fracaso o proxecto desde os seus orixes.

Unha vez máis a Xunta de Galicia, coa súa inacción, amosa a súa insolidariedade cos galegos e galegas e manifesta as súas prioridades que están moi lonxe de loitar polos dereitos do noso país e por traballar por que Galicia teña un futuro sostible e moito máis preto de garantir, sen importar o custe, os beneficios das grandes empresas.

AGE solicita ao Parlamento o informe do delegado do Goberno sobre a represión ás traballadoras de Cuca

  Alternativa Galega de Esquerda (AGE), a través do seu deputado Juan Fajardo, solicitou o informe que o delegado do Goberno se comprometeu a remitir ao Parlamento sobre a brutal represión da Policía Nacional ás traballadoras de conservas Cuca, en Vilaxoán. “Non é de recibo tal brutalidade”, denuncia de novo Fajardo. Os sucesos ocorreron o mes pasado, cando axentes denominados antidisturbios ocuparon o casco urbano de Vilaxoán á altas horas da noite para escoltar o empresario de Cuca, quen desmantelou a maquinaria da factoría malia se atopar o conflito baixo proceso xudicial. O portavoz de Anova, Xosé Manuel Beiras, e máis o parlamentario Fajardo entrevistáronse daquela con Samuel Juárez, delegado do Goberno. Este prometeu remitir un informe sobre o sucedido ao Parlamento de Galicia. Ese é o documento que AGE agora reclama.

O grupo de Anova Alternativa Ribadumia non concorda coa idea do PP de subirlle o prezo os viños na festa do tinto deste ano.

Logo do anuncio do PP de Ribadumia de subir o prezo do viño nos stands da festa este ano, dende Anova Alternativa Ribadumia queremos mostrar o noso desacordo con esta medida, que vai en total detrimento da festa e que dende logo non vai contribuír nada o aumento das vendas nin da afluencia.

Para Enrique oubiña é evidente que Salome Peña  e os seus compinches do PP non deben de ter  o mais mínimo problema para chegar a fin de mes, por iso seguen a negar a dura situación que vive o país e que o seu partido non esta axudando a mellorar, e non teñen reparos en tomar medidas que son claramente un erro.

O tinto barrantes, é un viño totalmente coñecido para os veciños da nosa comarca, tanto polas súas características propias e únicas, como polos seus prezos no mercado. É  totalmente absurdo poñer a  botella de tinto, que ademais non pode ser etiquetado como tal,  a un prezo que non solo se sae dos prezos de mercado, se non que se sitúa por riba de  moitos albariños , ribeiros ou mencias que si están amparados pola denominación de orixe. Ademais, de facerse así, este non sería o primeiro ano que o viño ten uns prezos altos, e os resultados no seu momento , e os que estivemos na festa compartindo unhas tazas con produtores e público sabémolo ben, foron negativos.

Dende o grupo local de Anova temos moi claro que  a festa do tinto do Salnés ten unha gran importancia para o noso concello, pero tamén temos moi claro que o PP, que cada ano acumula máis queixas por como organiza este evento dandolle cada edición que pasa  mais as costas a posta en valor do viño en favor doutras actividades paralelas e do autobombo,  está tirando co traballo de moitos anos de moita persoas  e moitos produtores que se esforzan por manter a esencia da festa ano tras ano dende dentro da organización, pero tamén dende fora, e resulta totalmente abraiante que os membros do PP, que solo organizan a festa do tinto para facerse publicidade , pero que logo solo pasan polos stands no momento de facerse as fotos e non volven dar sinais de vida no resto de días, impoñan uns prezos que van redundar directamente na baixada de venda de botellas.

Para Enrique Oubiña este despropósito deixa claro cales son os únicos  intereses dos membros do Partido Popular de Ribadumia: a propaganda do seu parido. “Pero nos, que defendemos unha maneira de facer as cousas moito menos elitista e egocéntrica,  seguiremos  indo os stands da festa, compartindo unhas tazas con coñecidos e con descoñecidos, e defendendo,a nosa humilde maneira, unha festa que moitos levamos no sangue”.

Ao Partido Popular non lle importan nin os veciños, nin a súa saúde, nin o seu acceso a un ben básico como é a auga potábel

Alternativa Galega de Esquerda esixe a demolición do encoro do Umia, ao que se nega un PP que frivoliza co tema. O deputado Juan Fajardo denuncia que a infraestrutura non garante nin parar as enchentes do río nin a auga potábel e alerta de que as crises por microcistite poden volver producirse. 

Ao Partido Popular non lle importan nin os veciños, nin a súa saúde, nin o seu acceso a un ben básico como é a auga potábel. Volveuno demostrar esta mañá cando se negou a apoiar unha proposición non de lei de Alternativa Galega de Esquerda (AGE) que, respaldada polo BNG tras unha transacción, esixía demolición do encoro do río Umia. “Nin garante que non haxa enchentes nin garante a auga potábel aos habitantes da zona”, denunciou o deputado Juan Fajardo, “e as crises pola microcistite poden volver producirse”. Hai sete anos que a superficie da auga do encoro tínxese de verde por mor desta alga tóxica que prolifera en augas encoradas.

Anova advirte da perigosidade dalgunhas estradas do concello de Sanxenxo

Dende ANOVA queremos mostrar a falta de iniciativa por parte do concello a menos de 15 días para a chegada de Xuño e a inminente temporada de verán, esa na que o propio concello promove datos de multiplicar por cinco a poboación deste pobo e mesmo chegar a datos de 100000 habitantes, pois este e o estado durante máis dun mes dunha valla que separa a estrada do desnivel que da acceso a esta praia do concello, polo que circulan adultos, anciáns, nenos e mesmo ciclistas que corren o risco de caer neste desnivel e producir un mal maior que podería ser arranxado cunha rápida actuación por parte do concello. 

O mesmo perigo corren todas aquelas persoas que circulen por esta outra vía situada no lugar do Carballal en Bordóns, esta segunda xa foi protestada por outras agrupacións estando no goberno o mesmo partido político e o estado e o mesmo ou peor.

Pero o perigo non só esta nas beirarúas, se circulamos polo mesmo centro de Sanxenxo, na rúa progreso podemos atopar buratos no que un ciclista ou motorista podería producirlle máis dun desgusto, e aínda que este vial sexa propiedade da deputación, pedimos un pouco de axilidade por parte do goberno local en facer que a organización pertinente leve a cabo os traballos necesarios para reducir todos estes perigos e acondicionar este concello ante a chegada de miles de turistas, porque non solo quedan aquí as deficientes condición das estradas do concello, que é de vergoña que o centro de Sanxenxo teño unha rúa nese estado, senón que podemos nomear lugares de gran tránsito como o situado entre as rotondas que dan acceso a praia da lanzada, entre a vía rápida de Noalla e a rotonda que da acceso cara Vilalonga, ou outro lugar como a saída dende a vía rápida de Noalla cara Adina.

Dito a época na que nos atopamos, os perigos que ofrecen as rúas do concello e a súa falta de acondicionamento para un lugar turístico como é este, pedímoslle o concello dende ANOVA por parte de todos os usuarios, residentes, hostaleiros e turistas desta zona que arranxen as deficiencias ditas e outras que se atopan o longo do concello o máis rápido posible.

O PP leva unha década enganando aos veciños e veciñas do Salnés

Alternativa Galega de Esquerda denuncia os enganos do PP durante toda unha década relativos á ampliación do hospital do Salnés.

O 21 de decembro de 2010Feijoo comprometeuse
 en Vilagarcia a licitar a ampliación do Hospital do Salnés
 "nas proximas semanas" (preme aqui). Tres anos despois
o Hospital segue do mesmo tamaño que entón

Alternativa Galega de Esquerda (AGE) denunciou a estratexia de engano que mantén o Partido Popular desde hai máis dunha década no que ano tras ano comprométese a ampliación do hospital do Salnés sen chegar nunca a nin tan sequera iniciar as obras nin existir un proxecto. “O proxecto de ampliación do hospital debeu pasar pola trituradora como os contratos de Marcial Dorado” ironizou o deputado de AGE, Juan Manuel Fajardo.

O presidente da Xunta de Galicia, Alberto Núñez Feijoo, unha vez máis incumpre coa palabra dada aos veciños e veciñas do noso país e continúa instalado no engano e na inacción sen resolver os problemas de Galicia. Así mesmo, Alternativa Galega de Esquerda considera que os constantes compromisos anunciados por parte da deputada do grupo parlamentar do PPdeG, Marta Rodríguez Arias, anunciando partidas orzamentarias para a ampliación que nunca rematan por se executar, inhabilitan directamente a esta deputada para se considerar representante dos veciños e veciñas de Vilagarcía.

Alternativa Galega de Esquerda considera inaceptable que o PP se escude a día de hoxe na existencia de catro recursos contra esta obra sen aportar nin un só datos sobre a procedencia destes recursos nin as cuestións polas que se opoñen á ampliación. Ante a inoperancia do PP e as súas continúas mentiras, Alternativa Galega de Esquerda esixe a inmediata ampliación do hospital do Salnés que solucione a precaria situación na que se atopa na actualidade que se ve agravado na tempada estival co aumento de poboación nesta zona durante os meses de verán mentres que no hospital se resposta pechando camas.

Beiras afirma que só “a xente en pé de guerra cívica” será quen de rematar coas agresións do poder

"O Partido Popular, co seu comportamento, xoga a desacreditar aínda máis do que xa está o rol do Parlamento", denunciou esta mañá, tras a Xunta de Portavoces dos grupos con representación no Hórreo, Xosé Manuel Beiras, "xoga a convertelo nun recinto amurallado sen ningunha relación co que acontece na realidade".

Para o portavoz de Alternativa Galega de Esquerda (AGE), o partido de Alberto Núñez Feijóo non fai outra cousa ca "marear a perdiz" e perder o tempo con cuestións burocráticas e de protocolos. Mentres, na rúa, a cidadanía do común, as clases traballadoras, sofren as consecuencias materiais terríbeis dunhas políticas

A dura realidade dos recortes no gasto en Productos Alimenticios no Concello de Cambados

Os recortes que esta a levar disimuladamente o Concello de Cambados na Liquidación de Gastos dos Orzamentos en Acción Social por parte do goberno do Partido Popular, levanos a ver imaxes coma estas todolos días nas ruas de Cambados. 

Dende Anova Cambados estamos en contra dos recortes en acción social por parte do Concello de Cambados, pero o que realmente nos chama a atención, é a forma que se utiliza para maquillar estes recortes por parte da administración local, xa que nestes últimos anos non se cheguou a consumir a totalidade do orzamento en Productos Alimenticios da partida municipal de acción social que se destina a este gasto en Cambados, cando nos atopamos nunha situación de crise económica como a que estamos a vivir. 

Polo que dende Anova Cambados nos sentimos na obriga de denunciar a situación na que nos atopamos, xa que nos últimos tres anos dos que son públicas as Liquidacións de Gastos dos Orzamentos Municipais, 2009, 2010 e 2011, a partida presupuestaria dentro de Acción Social, destinada para atender as necesidades básicas de alimentos a moitas familias deste concello, non foi esgotada en ningún destes anos, destinando estés fondos a cubrir excesos doutras partidas presupuestarias na que o gasto foi maior o orzamentado inicialmente, e que para o goberno do PP son mais importantes.

A Xunta de Galicia non respecta a nosa lingua nin os dereitos laborais do profesorado dos Celga

   Alternativa Galega de Esquerda (AGE) amosou o seu apoio ás reivindicacións dos traballadores e traballadoras dos cursos de certificación en lingua galega ‘Celga’ que denunciaron esta mañá en rolda de prensa o absoluto fracaso do proceso normalizador da lingua galega por parte da Xunta de Galicia. Os portavoces do colectivo, Lorena López e Anxo Otero, acompañados ddos deputados dos tres grupos parlamentares na oposición ( Ramón Vázquez por AGE, Vicente Docasar por PSdeG e Ana Pontón polo BNG), dos sindicatos (CIG, CUT e STEGA), da Mesa Pola Normalización e a Coordinadora de traballadores da Normalización da Lingua, o colectivo de profesores puxo de manifesto a precaria situación laboral na que se atopan sen contrato, nin seguro, nin seguridade de se van ter ou non traballo entre outras moitas cuestións.

   A Secretaría Xeral de Política Lingüística está a someter a medio millar de profesores e profesoras inscritos nas listas de contratación a unha insostible situación de precariedade pola que non saben cando van comezar a traballar, canto van a cobrar ou cando van a recibir o salario. Por todos isto, esixen a creación

O grupo de Anova Ribadumia presenta una moción para que se habilite un local de ensaio en Ribadumia.

Os Pablos, un dos grupos referentes da
nosa comarca. 

  Dende o  noso grupo somos conscientes de que no noso Concello hai unha importante canteira  musical, froito por un lado das inquietudes dos mozos e mozas de Ribadumia, pero tamén do traballo que se está a facer tanto por parte da escola de música municipal como das dúas bandas de música existentes na actualidade, sen esquecer os grupos de musica tradicional nin que hai locais hostaleiros que programando concertos de forma habitual, axudan e animan a que nazan novos grupos  no noso concello.

 Lamentablemente moitos dos grupos e rapaces novos que queren comezar neste mundo tan

Os embustes de Feijóo sobre a súa relación con Marcial Dorado non teñen límite

Alberto Núñez Feijóo segue sen ofrecer explicacións a fondo da súa amizade co contrabandista e narcotraficante Marcial Dorado nin dos contratos da trama empresarial deste coa Xunta de Galicia. A unha nova pregunta da viceportavoz de Alternativa Galega de Esquerda (AGE), Yolanda Díaz, na sesión de control do Parlamento, o presidente da Xunta negouse a responder e faltou ao respecto desas institucións que tanto di defender. “Vai entregar vostede os contratos con ese entramado empresarial que tan ben coñece? Porque queremos os contratos e non esa trapallada de relación de pagos nun documento de word que nos deu”, afirmou Díaz. Por resposta, Feijóo deu unha nova virada ao esperpéntico relato co que intenta xustificar as súas amizades perigosas e asegurou, un mes e medio despois de que o escándalo saíse na prensa, que eses contratos non existe porque a Xunta os destrúe pasados dez anos.

Non foi o único embuste, que parecen non ter límites, do xefe do Executivo galego. “Vostede mentiu cando dixo que non sabía a que se dedicaba Marcial Dorado e que llo preguntou ao seu amigo Manuel Cruz”, interrogou a viceportavoz de Alternativa, “pero vostede si sabía quen era Cruz, un guerrilleiro de Cristo Rey, que andaba con pistola, un conseguidor para o PP ás ordes de Romay Beccaría”. O único que atinou a afirmar Feijóo foi a, nunha perversa prostitución da linguaxe, chamar “violentos” aos deputados de AGE e pedir, con esa solemnidade impostada que é o único que parece dominar, desculpas a Galicia “pola coalición electoral de AGE”. Para Yolanda Díaz e o grupo parlamentario de Alternativa, só existe unha saída e así o expuxeron no hemiciclo: “Vostede non é limpo nin honesto, porque minte aos galegos reiteradamente e ten amizades perigosas, só lle queda dimitir e que corra a lista do PP”.

Xosé Manuel Beiras acusa á Xunta de considerar superfluos os cidadáns “mentres non se converten en súbditos”

Xosé Manuel Beiras acusa á Xunta de considerar superfluos os cidadáns “mentres non se converten en súbditos”. O portavoz de Alternativa Galega de Esquerda denuncia que a conselleira de Facenda “ten o mérito dos computadores, métenlle o programa e recítao sen importarlle o que acontece”

A conselleira de Facenda, Elena Muñoz, realizou unha inocua comparecencia no Parlamento de Galicia para, teoricamente, explicar as liñas de traballo do seu departamento. Pero o que expuxo foi unha serie de lugares comúns do ultraliberalismo, o sometemento da Xunta ao débedocracia e aos mandados da troika e unha brutal insensibilidade respecto do sufrimento e a dor que as súas políticas causan nas maiorías sociais. “O que acontece é que para vostedes os cidadáns son superfluos”, acusou Xosé Manuel Beiras, portavoz de Alternativa Galega de Esquerda (AGE), “polo menos mentres non sen converten en súbditos”.

O Concello de Cambados segue a moda de restrinxir o acceso os veciños nos plenos coa escusa de limitar o aforo por seguridade no salón onde se celebran.

Anova Solicita que si se preve aforo se trasladen os plenos municipais o Auditorio da Xuventude.

Dende o Grupo Local de Anova – Irmandade Nacionalista no concello de Cambados, sorpréndenos a medida oportunista que acaba de tomar o goberno municipal do Partido Popular, ao limitar o aforo no salón de plenos do Concello de Cambados a un máximo de 50 persoas, nun novo intento de limitar o dereito dos veciños a poder acceder a democracia, e a escoitar a viva voz as decisión que alí se toman.

Este tipo de medidas, a par de oportunistas coma antidemocráticas, de limitación dos dereitos dos veciños por parte do grupo de goberno do Partido Popular no Concello de Cambados, son una clara continuación a outras medidas que xa se tomaron tempo atrás, como a polémica denegación por parte do Alcalde, Luis Aragunde, a gravación dos plenos por medios audiovisuais, alegando a existencia de varias sentencias que así o ratifican, pero cando a realidade e totalmente distinta, existindo numerosas xurisprudencia na que si se permite a gravación dos plenos o tratarse de actos públicos, e que deberían chegar o maior numero de veciños, quedando claro que os nosos dirixentes non lles interesa, e impón coa súa maioría o maior numero de trabas legais posibles para que os veciños non estean informados das decisións que o goberno municipal do Partido Popular levan adiante utilizando o rodillo da maioría absoluta.

Dende o Grupo Local de ANOVA – I.N. en Cambados mostramos o noso asombro e malestar polo estado no que se atopan as instalación deportivas municipais do Pombal durante o transcurso do Campionato de España de Clubs de Baloncesto da categoría Xuvenil.

Dende Anova Cambados queremos facernos eco das queixas do publico e participantes do Campionato de España de Clubs de Baloncesto de categoría xuvenil que se está a celebrar en Cambados dende o dia 12 de maio e no que participan equipos de toda España.

Segundo nos informaron varios dos participantes o Concello non limpou as instalacións dende o inicio do torneo como se pode e comprobar polas fotos anexas, demostrase unha total falta de limpeza das mesmas, con restos de comida polo chan e as gradas,  coas papeleiras desbordadas e cos aseos e vestiarios nunhas condiciona hixiénico -sanitarias vergonzosas.

 

En ANOVA. Preguntámonos, se é esa a imaxe que o PP e Luís Aragunde queren dar de Cambados? Tan difícil era organizar a limpeza das instalacións durante a celebración do torneo? E esta a colaboración que presta o Equipo de goberno aos Clubs que levan o nome de Cambados e organizan actividades para traer a nosa vila xente de fora? Para nos que estanos diante dun novo exemplo do pasotismo e falta de atención que demostra o equipo de goberno.

En Ribadumia defendemos a abstención dos outros grupos de oposición no reparto das axudas a asociacións e entidades culturais e deportivas

  .

Para Enrique Oubiña, as discrepancias polo reparto das axudas poñen en evidencia que tiñamos razón cando dende anova propuxemos cambiar as bases para lograr un reparto máis equitativo e transparente dos fondos.

Para que imaxes como esta se poidan seguir repetindo o apoio do concello as entidades culturais e deportivas é imprescincible

O xoves da semana pasada celebrouse pleno municipal no Concello de Ribadumia,  onde se aprobaron as axudas as entidades culturais e deportivas do concello. Días máis tarde o Partido Popular publicaba unha

AGE pide a elaboración dun plan específico de inspección das grandes fortunas

Alternativa Galega de Esquerda (AGE) presentou unha Proposición non de lei no Parlamento de Galicia na que se insta á Xunta ao cumprimento do Plan Xeral de control tributario e a inclusión dun plan específico e preferente de inspección dos grandes patrimonios e grupos económicos para a comprobación, investigación e inspección tributaria da realización de operacións mercantís e transmisións patrimoniais que puideran ter a finalidade fraudulenta de minorar o pago de impostos, en especial o de Patrimonio e de Transmisións patrimoniais.

O voceiro de AGE, Xosé Manuel Beiras, destacou en rolda de prensa o nulo esforzo por parte dos gobernos do PP por combater o fraude fiscal mentres que reclama paciencia aos cidadáns e os ataca con continuos recortes. “Se rexeitan a iniciativa e non levan a cabo un plan de control tributario das grandes fortunas, quedarán sen escusa para dicir que non hai posibilidade de incrementar os ingresos” 

Dende o Grupo Local de ANOVA – I.N. en Cambados consideramos que non e xusto o reparto das subvencións municipais a ENTIDADES SEN FIN DE LUCRO para o ano 2013.

Dende Anova Cambados mostramos publicamente o noso desacordo co reparto que se fai cos orzamentos do Concello de Cambados, froito da recadación dos impostos e taxas municipais que sufrimos tódolos cidadáns, e que lonxe de estar destinados a afrontar os problemas actuais dos veciños do concello, destínanse a subvencionar unha serie de gastos de entidades municipais sen animo de lucro, consideramos que dun xeito irreal , desconocedor da realidade social cambadesa.

Pódese comprobar no BOP publicado o Xoves 9 de maio de 2013, que o Concello de Cambados publica a convocatoria das axudas a entidades sen ánimo de lucro, con cargo ó orzamento municipal, que non está dirixido a solucionar problemas reais, amosando eso sí, un xeito rotineiro de xestionar o mesmo, que indica un pasar da realidade sen pararse a ver o´darredor, é evidente que as cantidades non se priorizan e ademais de non meditadas indican o desconocimento do governo do PP da realidade é palmaria, indicanno as cifras publicitadas no BOP:

Pedimos información sobre distintos gastos do concello de Ribadumia.

Dende Anova cremos que a maneira de facer política debe ser construtiva. Tamén cremos que dende a oposición se póde facer moito mais que quentar sillón ou levar a contraria, pero para poder realizar propostas construtivas e para poder falar de cousas tan importantes como os orzamentos municipais convén ter a máxima información posible.

  Nesta liña, onte presentamos no concello de Ribadumia un escrito solicitando diferente información e copias de facturas, que nos axuden a entender porque algúns gastos como o da telefonía con mais de 30.000€ de orzamento,  están totalmente descontrolados, e poder facer propostas razoables que axuden a reducir unha partida orzamentaria, a dos gastos correntes, que supón mais da metade dos orzamentos municipais, e que sube cada ano que pasa sen que o Partido Popular faga nada o respecto.


O documento  completo di o seguinte: 

ENRIQUE OUBIÑA LAGO,, en representación do Grupo Local de ANOVA– Irmandade Nacionalista e en calidade de Concelleiro non adscrito da Corporación do Concello de

Anova chama á participación na xornada de folga no ensino o 9 de maio

Anova fai un chamamento á participación na folga xeral no ensino, convocada para o 9 de maio en protesta pola LOMCE, unha lei inxusta, sexista, centralista e antidemocrática.
Dende Anova, reafirmamos o noso compromiso co ensino público, universal, de calidade e gratuíto. Porque sen igualdade de condicións de acceso ao ensino non hai igualdade real nin hai liberdade de pensamento. Ensino público é, polo tanto, democracia real.

O PP négase, unha vez máis, a que Rueda explique a represión ás traballadoras de Conservas Cuca

Unha vez máis, o PP emprega a súa maioría para impedir que o Parlamento funcione como debe: como a Cámara en que os representantes electos renden contas ante a cidadanía. A dereita negouse, de novo, a que o vicepresidente da Xunta, responsábel de Xustiza e Interior, Alfonso Rueda, compareza no Hórreo para explicar por que a policía nacional bateu nas traballadoras de Conservas Cuca en Vilaxoán. Os denominados antidisturbios fixeron de garda de corps do empresario, que entrou na factoría para retirar a maquinaria cando esta se atopa mergullada nun conflito xudicial. As chamadas forzas de orde pública serviron de parte do propietario. Alfonso Rueda, como membro da Xunta con maiores atribucións en materia policial, non quere falar sobre o acontecido no Parlamento.

Paremos as aulas contra a ofensiva reaccionaria!

Alternativa Galega de Esquerda (AGE) chama a secundar, este xoves nove de maio, a folga xeral no ensino contra a denominada polo Goberno de Mariano Rajoy Ley Orgánica de Mejora de la Calidad Educativa (Lomce). Esta norma, en fase de tramitación, conseguiu poñer de acordo a estudantes, profesores e persoal non docente: todos os sectores da educación pública opóñense a un proxecto de lei reaccionario, españolizador, elitista, sectario e sexista. AGE, que apela á unidade de acción no enfrontamento contra as medidas involucionistas da lei Wert, tamén participará nas manifestacións convocadas para este xoves. Só o combate na rúa, ao que Alternativa contribúe con numerosas iniciativas parlamentarias contrarias á letra e ao espírito da Lomce, poderá frear a ofensiva reaccionaria nas aulas. 

Un novo roubo ós veciños de Meis

Resulta interesante como unha vez máis os nosos políticos (porque foron elixidos democraticamente, pero nin velan por todos nin cumpren o que lle prometeron ós seus votantes) se voltan contra nós na busca do interese dese ente abstracto chamado MACROECONOMÍA. Pois ben, agora, o concello de Meis, cunha nada envexable taxa de paro, decide incrementar o imposto de circulación nun 50% ata equipararse cun concello do tamaño de Vilagarcía. Este afán recaudatorio ten dúas características: É inútil, porque a recadación máxima que poderá obter resultará minúscula en comparanza cos presupostos; e dous é estúpido, porque se xa sabemos de moitos vehículos en Meis que circulan sen dito permiso, moitos dos que a día de hoxe o pagan, ben por imposibilidade ben por parecerlle absurdo ou desmesurado, deixarán de pagalo. Dende ANOVA MEIS so podemos considerar este movemento municipal como ANTISOCIAL e INCONGRUENTE coa situación extrema que viven moitos dos nosos veciños.


Meis sube un 50 % el impuesto de circulación y lo equipara al de Vilagarcía

O Grupo Local de ANOVA – IN en Cambados rexeita a instalación da Carpa Gastronómica, no lateral do paseo da calzada durante a LXI FESTA DO ALBARIÑO 2.013

Entende que esta medida perxudica a Hostelería local, xa bastante afectada pola crise e a suba de impostos.



Carpa do Albariño Público Xeral

Dende o Grupo Local de ANOVA – Irmandade Nacionalista de Cambados queremos manifestar públicamente que non estamos de acordo coa aprobación pola Xunta de Goberno do Concello deCambados, en sesión do 11 de marzo de 2013, do concurso para a adxudicación daexplotación da Carpa Gastronómica, nolateral do paseo da calzada durante a LXI FESTA DO ALBARIÑO 2.013.

De todos e sabido a mala situación na que se atopa a hostalería no concello de Cambados, e o continua sangría de peche de negocios, que non son capaces de aguantar a diminución dos ingresos que están a sufrir.  So fai falla dar un pequeno paseo polas rúas do centro de cambados, e observar a cantidade de establecementos de hostalería que se atopan pechados, e como cada dia vai aumentando pouco a pouco esta lista, co aumento de desemprego que implica.