ANOVA SOLICITA QUE SE TOMEN MEDIDAS PARA EVITAR O DERRUBAMENTO DO TEITO DO TEMPLO DA PASTORIZA E QUE SE PROCEDA AO SEU ACONDICIONAMENTO

Demanda que se actúe dilixentemente para evitar a mala imaxe que suporía o abandono deste monumento, con parte do teito xa caído, no inicio da Volta ciclista a España.

Dende o Grupo Local de ANOVA – Irmandade Nacionalista en Vilanova de Arousa queremos facer un chamamento ao Concello de Vilanova de Arousa e ás demais institucións implicadas na promoción turística e na conservación do seu patrimonio (Deputación Provincial de Pontevedra e Xunta de Galicia), para que presten atención sobre o lamentable estado no que se atopa o templo da Pastoriza, tamén coñecido como “A Igrexa Vella”,  situada en pleno centro urbano de Vilanova de Arousa e a poucos metros de onde se vai ubicar a saída da Volta Ciclista a España.

O CONCELLO DE CAMBADOS MINTE NOS MEDIOS DE COMUNICACIÓN NO AUMENTO AS AXUDAS AS ENTIDADES SEN ANIMO DE LUCRO BENEFICO ASISTENCIAIS

ORZAMENTO 2012

Dende Anova Cambados queremos mostrar publicamente que O Concello minte na declaración feita aos distintos medios, en relación co incremento no importe da dotación orzamentaria da partida para as axudas as entidades sen fins lucrativos as entidades benéfico asistenciais, que dende o noso grupo xa calificamos como inxustas o seu reparto cando foron publicadas.

Como se pode ver nos distintos recortes de prensa, nas imaxes adxuntas, o Concello de Cambados, vai presentar unha moción no próximo pleno, solicitando un aumento da dotación da partida orzamentaria nas axudas as entidades sen fin lucrativos en materia benéfico-asistenciais (partida 232.489.00 transferencias a entidades benéfico-asistenciais) en 6.000 €, motivada polo incremento de demandas neste tipo de axudas, e que dende o noso grupo xa denunciamos comoinsuficientes no momento de ser publicadas.




Tratase polo tanto dunha nefasta xestión dos orzamentos por parte do goberno do PP en Cambados, que apesares de dispor de maioría absoluta, e poder distribuír as distintas partidas orzamentarias sen ter que negocialas coa oposición, non é capaz, nin demostra previsión ou sensibilidade coa actual situación que estamos a sufrir, e ten que levar novamente a pleno o debate dos orzamentos nesta materia tan sensible dende o noso parecer.

ORZAMENTO 2011



Dende Anova Cambados, estamos de acordo con que se incremente o gasto neste tipo de partidas, pero como xa denunciamos anteriormente e como vamos a demostrar cos datos orzamentarios e públicos do Concello de Cambados, non son certos os incrementos que presume o PP a través dos xornais desta partida, e que tentan disimular a ineficacia e a falta de sensibilidade da que se intenta agochar coa mentira instalada no goberno do PP en Cambados nesta materia.

 

 

ORZAMENTO 2010

Como se pode leer nos distintos xornais, o Concello de Cambados, presume de haber incrementado en 4.500 €, este tipo de Axudas no pasado exercicio 2012 con respecto o exercicio 2011, ”El gobierno municipal defiende su política en materia social alegando que las entidades asistenciales ya habían recibido en 2012 unos 4.500 euros más que el año anterior, siendo las más beneficiadas Esperanza Salnés(6.500 euros) y el asilo de ancianos (5.500)”. Sendo esta afirmación totalmente falsa, xa que a partida orzamentaria nas axudas as entidades sen fin lucrativos en materia benéfico-asistenciais (partida 232.489.00) no exercicio 2011, era de 30.000 €, dos que so se gastaron 23.500 €, según se desprende da liquidación de gastos en detalle do exercicio 2011, sendo moito menor os 27.640 € que se liquidaron como gasto no exercicio 2010, ademais de ser totalmente falso que se incrementara en 4.500 €, como afirmou o Concello nos distintos xornais no Exercicio 2012, xa que según a liquidación de gasto, o destinado a este tipo de axudas nese ano foi de 26.000 €, e se fora incrementada en 4.500 € con respecto o Exercicio 2011, o gasto seria de 27.500 €, non de 26.000 € como ven na conta de gastos do 2012, polo que, ou o concello minte nesta afirmación, ou a conta de gasto do exercicio 2012 non é real, ou esta manipulada, ademais de non chegar a cubrir a partida orzamentaria en ningún dos tres últimos exercicios, que era de 30.000 €, polo que de nada vale incrementar o orzamento en 6.000 € mais neste exercicio se non se destinan a totalidade destes fondos a este tipo de axudas.





Nova no Faro de Vigo

Nova na Voz de Galicia
 

Nova no Diario de Arousa

AGE acusa a Feijóo de ser un “rei Midas ao revés” e acabar coas caixas de aforros

A viceportavoz de Alternativa Galega de Esquerda (AGE), Yolanda Díaz, acusou ao presidente da Xunta de “ser un rei Midas ao revés” e acabar coas caixas de aforros. Todo isto adobiado coa habitual restra de mentiras e medias verdades que engalanan a acción de goberno do señor Núñez e os seus secuaces. Foi na última sesión de control ao xefe de Executivo no actual período de sesións, cando Alternativa preguntou arredor da súa estraña querenza por ocultar información ao Parlamento de Galicia. “Cantos escritos debemos presentar para coñecer os contratos da Xunta co seu amigo narco Marcial Dorado”, interrogou Díaz. Por suposto, Feijóo non se deu por aludido.

“Vostede minte, minte e minte”, insistiu a viceportavoz de AGE, desta volta en relación á actitude do Goberno do PP na fusión e posterior desaparición das caixas de aforros. “Vostede dixo que a de KPMG era unha auditoría e que avalaba a fusión. Pois ben, nin era unha auditoría, que era un caderno de vendas, nin recomendaba unha fusión”. Díaz tamén lembrou que esa falsa auditoría custou 1.300.000 euros de todas as galegas e galegos e que o Goberno non permite o acceso público á mesma.

A viceportavoz explicou, ademais, que en marzo de 2010, cando se realizou o informe de KPMG, “todo o mundo sabía que as preferentes eran produtos tóxicos” e, aínda así, no caderno de vendas de KPMG recomendaban vendelas para facer fronte aos problemas das caixas. Alternativa Galega de Esquerda non se considera atinxida pola declaración de “segredos” dos papeis solicitados pola comisión de investigación das caixas no Parlamento e Yolanda Díaz anunciou que o grupo parlamentario difundirá publicamente esa información.

En defensa da sanidade pública no Salnés

A Plataforma en Defensa da Sanidade Pública do Salnés realizou o pasado martes 18 de xuño unha mesa redonda no Auditorio de Vilagarcía na que se comentaron e debateron coa participación de profesionais sanitarios varios aspectos da política privatizadora que de maneira perversa está levando a cabo o Partido Popular así como o xeito no que se concretan nos nosos concellos: a eterna débeda pendente da ampliación do Hospital do Salnés, a construción de novos centros de saúde na comarca, o estrangulamento do financiamento para a prevención en drogodependencias, a eliminación dos centros de orientación familiar, etc.

Así mesmo, a Plataforma en Defensa da Sanidade Pública do Salnés, da que Anova-Irmandade Nacionalista forma parte, acaba de convocar, xunto co resto de plataformas de Galiza, unha xornada de loita nacional contra os recortes e a privatización da sanidade e, no noso caso tamén pola ampliación do Hospital do Salnés para o vindeiro xoves 27 de xuño, ás 21 h. na Praza de Galiza en Vilagarcía.

A retirada de 30 accesorios do catálogo do Sergas é un novo ataque ao dereito á saúde

A retirada de 30 accesorios do catálogo do Sergas é, segundo a deputada de Alternativa Galega de Esquerda (AGE) Eva Solla, un novo ataque ao dereito á saúde da cidadanía. O pasado un de maio a Consellaría de Sanidade anunciou a redución de medicamentos e accesorios sufragadas polos cartos públicos, amparándose en que o Estado deixaba de financialos. Esta tarde, na comisión parlamentaria 5ª, en resposta a preguntas da parlamentaria Eva Solla, a Xunta volveu empregar esa escusa para xustificar a continuación do labor de zapa que realiza o Goberno do señor Núñez sobre a sanidade pública.

“A que está a xogar a Consellaría de Sanidade coa xente”, preguntouse Solla, “por que existe algún estudo previo do

impacto desta medida? Van compensar as rendas baixas?”. Todas as cuestión caeron en saco roto, porque o enviado do Sergas ao Parlamento parapetouse tras a decisión do Executivo de Rajoy, como se non fose o PP quen goberna en San Caetano e na Moncloa. “Á xente válelle de algo  que vostede recite a lexislación estatal?”, insistiu a deputada de AGE, “porque en realidade vostedes atacan os máis febles e logo aínda veñen ao Parlamento a dicir que defenden a vida”.

A medida aprobada polo Sergas implica que quedan fóra do catálogo accesorios como as cámaras de inhalación pediátrica –que custan uns 40 euros e que os pediatras dos centros de saúde públicos piden ás familias para poder reutilizalos-, os apósitos para traqueotomías ou as sondas vexigais de baixa fricción –que poden chegar a custar ao paciente 200 euros ao mes

Os comedores escolares deben abrir no verán para atender o alumnado con problemas económicos

Alternativa Galega de Esquerda (AGE), a través dos seus deputados Ramón Vázquez, esixe á Consellaría de Educación que abra os comedores escolares nos meses de xullo e agosto para atender o alumnado con problemas económicos e carencias nutricionais. Esta iniciativa, presentada nunha proposición non de lei, responde a que profesorado e asociacións de nais e pais veñen denunciando, ao longo do curso que acaba de rematar, o aumento de cativas e cativos con carencias alimentarias. “Mesmo confirmouse”, afirman os parlamentarios de AGE, “que o xantar realizado no comedor escolar constitúe a principal achega nutritiva da xornada para boa parte dos estudantes”.

Coa crise derivada do neoliberalismo extremo e as políticas da troika aplicadas en Galicia polo Goberno do señor Núñez a forza de recortes e unha austeridade suicida, as condicións de vida das maiorías sociais empeoran día a día. 93.000 familias sobreviven con todos os seus membros en paro e 33.000 non reciben ningún tipo de ingreso. Datos do Instituto Galego de Estatística aseguran que seis de cada dez familias apenas dá chegado a fin de mes. 650.000 persoas están en situación de pobreza e 120.000, en pobreza severa. Neste contexto, os pediatras agrupados na Asociación Española de Pediatría insisten nos problemas de desnutrición infantil derivados do incremento da pobreza provocada polas accións da dereita que ocupa os diferentes gobernos.

Alternativa reclama, así, que os comedores escolares de vilas e cidades galegas abran durante as vacacións, o que permitiría que nenas e nenos accederán a unha alimentación axeitada e pide á Xunta un programa de atención socioalimenticio para os cativos de familias con dificultades socioeconómicas.

Comunicado conxunto EU-Anova respecto das obras no CEIP Rosalía de Castro d'O Grove

CEIP Rosalía de Castro

Desde as asembleas locais de Esquerda Unida e Anova Ogrobe, queremos denunciar a actitude do alcalde Miguel Ángel Pérez respecto das obras que a Xunta de Galicia se comprometera a realizar no CEIP Rosalía de Castro. Pérez amósase neste caso como un anano político, incapacitado para representar os intereses do pobo d'O Grove. Se hai un par de semanas asumía como propia xunto ao resto de grupos políticos da corporación a solicitude da ANPA para que se realizaran as obras da terceira fase no CEIP Rosalía de

AGE non participará na pantomima da comisión de investigación das caixas se non se levanta o carácter secreto da información

O voceiro, Xosé Manuel Beiras, e a vicevoceira, Yolanda Díaz, anunciaron que continuarán o traballo de consulta e investigación do material aportado pola Xunta pero “practicaremos a desobediencia e o desacato” xa que non respectarán a imposición do PP de manter o silencio respecto ao que descubran.

Alternativa Galega de Esquerda pasará a ter estatus de observador na Comisión de investigación das caixas de aforros se o Partido Popular non reconsidera a decisión de considerar secreta a información remitida por parte da Xunta de Galicia relativa as caixas de aforro galegas. Así, o voceiro do grupo, Xosé Manuel Beiras, e a vicevoceira, Yolanda Díaz, explicaron que continuarán traballando e consultando toda a información aportada pero non participarán nas comparecencias nin na elaboración do ditame xa que “non seremos cómplices deste fraude e engano a cidadanía coa parodia de comisión de investigación que o PP pretende impoñer”. 

Os deputados e deputadas de Alternativa Galega de Esquerda advirten que practicarán ademais a desobediencia e desacato xa que non se se consideran obrigados a respectar o segredo e polo tanto manter o silencio sobre todo o que o grupo parlamentar descubra a través da información remitida ao Parlamento. “Non estamos dispostos a que nos convertan en servos nin acatar e obedecer as ordes que nos quera impoñer un grupo, nos somos leais aos nosos representados” declarou Xosé Manuel Beiras.

Alternativa Galega de Esquerda propón eliminar as comportas e construír un viaduto no acceso á enseada do Saco de Fefiñáns

 Alternativa Galega de Esquerda propón eliminar as comportas e construír un viaduto no acceso á enseada do Saco de Fefiñáns, en Cambados. O deputado Juan Fajardo afirma que esta opción contribuiría a recuperar as correntes mariñas na zona e a sanear o lugar para que volva ser produtivo para o marisqueo.

 

O deputado de Alternativa Galega de Esquerda (AGE) Juan Fajardo propuxo esta tarde na comisión parlamentaria número 8 a eliminación do proxecto de instalación de comportas na enseada do Saco de Fefiñáns, en Cambados, e a construción dun viaduto. O obxectivo desta opción sería, en palabras de Fajardo, converter de novo esta zona en produtiva para o marisqueo. O Saco, logo de se erguer o dique de acceso a Tragove e as sucesivas ampliacións e recheos do porto, quedou practicamente sen saídas ao mar. Só uns tubos, no lugar onde Portos de Galicia quere agora colocar unha comportas, conectan o lugar co mar. “A deficiente xestión dos verquidos provocou unha situación de abandono e cheiros que debe ser modificada”, asegurou o parlamentario de AGE.

Proposición non de lei, presentada por AGE ante a Comisión de Pesca do Parlamento de Galicia, no proceso de Regularización das Embarcacións de Pesca

Á MESA DO PARLAMENTO

O Grupo Parlamentar da Alternativa Galega de Esquerda (AGE), a través do seu voceiro e a iniciativa do seu deputado Juan Manuel Fajardo Recouso, ao abeiro do disposto no artigo 160 do Regulamento da Cámara, presenta a seguinte Proposición non de lei para o seu debate en Comisión.

Exposición de Motivos:

Milleiros de pequenos armadores de Galicia, en realidade milleiros de pescadores artesanais, que co apoio suficiente da administración poderían crear emprego nunha situación como a actual, de acadar o apoio suficiente da Xunta de Galicia, están sendo de novo atacados polos gobernos de turno, neste caso polo proceso de regularización das súas embarcacións.

Durante anos a propia administración foi permisible co sector, incluso outorgando axudas públicas para modificar a realidade e configuracións das embarcacións utilizadas para a pesca nas nosas costas, polo que a día de hoxe a gran maioría das embarcacións cuias características actuais non concordan cos parámetros de orixe das mesmas.

O protocolo da Xunta sobre acoso escolar é improvisado, burocrático e punitivo

Alternativa Galega de Esquerda (AGE), a través dos seus deputados Ramón Vázquez e Xabier Ron, cualifica o denominado Protocolo Xeral de Prevención, Detección e Tratamento do Acoso Escolar e Ciberacoso, enviado onte acompañado dunha circular de instrucións aos centros públicos de ensino non é máis ca “unha medida improvisada da Consellaría da Educación ante as reiteradas denuncias existentes”. AGE vén manifestando a súa preocupación crítica polo aumento de casos e denuncias de acoso e violencia escolar.

Pero a solución ofrecida pola Xunta con este documento (pode consultarse completo nesta ligazón: http://www.edu.xunta.es/web/node/9678) presenta numerosos puntos escuros. O primeiro, explica o parlamentario Ramón Vázquez, refírese á súa elaboración de costas á comunidade educativa. “Non contaron cos observatorios da convivencia escolar, nin co galego, nin cos provinciais nin cos das escolas”, expón, “e tampouco con asociacións e colectivos dedicados ao asunto”. Ademais, os datos sobre os que se alicerzan as medidas de Educación baséanse en informes de ámbito estatal e datados no ano 1999.

“Todas as accións recollidas neste protocolo teñen a ver con cubrir fichas, é burocrático e punitivo, e non propón ningunha intervención”, critica Vázquez, “e despreza o papel dos orientadores dos centro públicos de ensino. Para poñerlle o ramo, fala de ‘medidas reeducadoras’, un concepto superado hai anos en pedagoxía”. Alternativa Galega de Esquerda presentará iniciativas para instar a que o Goberno do señor Núñez Feijóo elabore estudos precisos sobre o acoso e a violencia escolar e a partir dese diagnóstico real realice intervencións efectivas para eliminar o andazo.

AGE asegura que o Plan de parto da Xunta quedará en papel mollado sen un plan de aplicación

Alternativa Galega de Esquerda presentou no Parlamento de Galicia unha batería de iniciativas sobre a posta en marcha do Plan de parto e Nacemento impulsado pola Xunta de Galicia instando á realización dun estudo da súa aplicación dado que senón non tería utilidade e quedaría en papel mollado.

Recentemente ven de publicarse dito plan que serve como guía para as nais dentro dun parto normal e cun feto san no que entre outras cousas inclúen recomendacións de non usar unha serie de manobras que hai anos eran habituais e que aínda se están a aplicar na rede de hospitais do SERGAS. Así mesmo, establécese a posibilidade de que as futuras nais escollan certos aspectos de como queren que sexa o seu parto, antes, durante e nos momentos posteriores. Para o grupo de Alternativa Galega de Esquerda resulta difícil imaxinar como a Consellería de Sanidade e o Servizo Galego de Saúde van conseguir cumprir algúns dos puntos do plan dada a situación de adelgazamento do Sistema Público de Saúde e o estado das maternidades e o estado das maternidades nos nosos hospitais. Polo que, sen un plan a curto, medio e longo prazo de ditos servizos, o contido deste Plan de Parto e os dereitos das futuras nais poderían quedar en papel mollado tal e como sinalan os deputados de AGE, Eva Solla e Xabier Ron.

Por este motivo, o grupo parlamentar de Alternativa Galega de Esquerda insta á Xunta de Galicia a publicar, como mínimo anualmente, un informe que inclúa información sobre o número de plans de parto e nacemento empregados nos hospitais públicos galegos; o número de aminiorraxias, episiotomías, administracións de oxitocina endovenosa e partos instrumentados realizaronsonse en partos eutócicos e distócicos; balance do estado dos servizos de atención ao embarazo e parto; plan de traballo anual para acadar a atención desexada nun parto eutócico; así como un anexo económico, con explicación dos investimentos da Consellería de Sanidade para o mantemento e mellora dos servizos.

Por outra banda, AGE presentou varias preguntas para saber qué medidas pensa adoptar o SERGAS para mudar os protocolos de atención para adaptalos á utilización do Plan de parto, como vai garantir que se cumpra en todas as maternidades e cómo pensa formar ás e ós profesionais para asegurar que os termos contidos no mesmo se cumpran.

En definitiva, desde o grupo parlamentar de Alternativa Galega de Esquerda solicítase que a Consellería de Sanidade non quede no mero anuncio de aprobación dun plan senón que explique de qué xeito vaise poñer en práctica para se converter nunha realidade e non rematar por ser unha nova estratexia publicitaria do PP baleira de contido real para a cidadanía.

Pero como ademais do dito, nos insistimos en que ser nai ou non selo é un dereito das mulleres e non unha obriga, deixamosvos de acompañamento esta intervención da compañeira Eva Solla:

ABORTO LIBRE, GRATUÍTO E SEGURO: AS MULLERES DECIDIMOS!

Anova, que forma parte do Plataforma Galega polo Dereito ao Aborto, apoia a manifestación convocada para este domingo, 16 de xuño, ás 17 h en Santiago de Compostela, saíndo da estación de tren.

Dende Anova consideramos que o dereito das mulleres a decidir sobre os propios corpos é tan básico que nos parece un absurdo estar a discutilo na segunda década do século XXI.

A AGRUPACIÓN COMARCAL DE ANOVA – IRMANDADE NACIONALISTA DO SALNÉS ACTÚA EN DEFENSA DO MANTEMENTO DOS REXISTROS CIVILES

O PP quere sacar este servizo dos Xulgados de Paz dos Concellos, centralizándoos nos Rexistros da Propiedade e abre a porta a cobrar por Certificados de nacemento, matrimonio ou defunción.

Os Grupos Locais de ANOVA do Salnés presentarán escritos nos Concellos para pedir o mantemento dos Rexistros civiles municipais e que os trámites nos mesmos sigan a ser gratuitos para os cidadáns.

O grupo comarcal de ANOVA Irmandade Nacionalista no Salnés, a vista das intencións expresadas polo ministerio de Xustiza do Partido Popular, na man de Alberto Ruiz-Gallardón, de reformar o Rexistro Civil, trásladando este servizo público dos Xulgados de Paz aos Rexistros de Propiedade, ven de acordar unha serie de actuacións en defensa do mantemento deste servizo así como para garantir que siga a ser gratuito.

Como primeira medida os Grupos locais de ANOVA presentaron xa escritos nos concellos da comarca para solicitar que nos plenos municipais se trate este tema e que as corporacións municiapais acorden dirixirse ao Ministerio de Xustiza e a Xunta de Galiza para rexeitar a modificación da Lei e solicitar o mantemento do Rexistro Civil nos Xulgados de Paz.  ANOVA tamén colaborará na recollida de sinaturas de apoio que se está a realizar dende os propios Xulgados de Paz e polos sindicatos.

No caso de aprobarse a modificación lexislativa, no caso dos concellos da comarca significaría que os veciños de O Grove, Ribadumia, Meis, Meaño terían que desprazarse a Cambados; os de Vilanova e a Illa a Vilagarcía e os de Sanxenxo a Pontevedra para facer xestións que agora se fan no propio Concello ao estar ubicado neles os Xulgados de Paz (inscricións de nacementos, certificados de matrimonio ou defunción…).

Pero non conforme con isto, a reforma abre a porta a aplicar taxas, ao declarar que os cidadáns deberán sufragar o custo deste servizo aos Rexistradores da Propiedade (nótase que Rajoy é Rexistrador…) co cal para poder nacer, casarnos ou mesmo morrer de maneira oficial necesitaremos pagar un imposto.

Deste xeito, aínda por riba do desprazamento, imos ter que pagar un imposto (outro máis) por conseguir un simple papel, que na maioría dos casos é a propia Administración quen nolo esixe para bolsas de estudos, axudas ou pensións…

Todo isto sen falar dos milleiros de postos de traballo que se poden perder, xa que con esta reforma o PP inicia o camiño da supresión dos Xulgados de Paz dos Concellos máis pequenos, a pesar das importantes funcións que realizan e do alivio de traballo que supoñen para o resto do entramado xudicial.

Por estes motivos, dende ANOVA rexeitamos a modificación prevista polo Ministerio de Xustiza, instamos aos Concellos a que fagan o mesmo e aos veciños a que se manifesten en contra desta supresión de servizos dos Xulgados de Paz; e que asinen nas follas de recollida de sinaturas en contra desta reforma que están expostas nos distintos Xulgados de paz da comarca.

Todos debemos opoñernos a esta reforma, e esixir o mantemento dos servizos do Rexistro Civil nos xulgados locais, garantindo así o dereito a un servizo universal, público e gratuíto.  Porque xa está ben de tanto abuso, de tanto recorte no sevizos públicos, tanto poñer impostos para non solucionar nada e de que sempre teñan que pagar os mesmos.

Anova Meaño denuncia que o uso que o partido popular vai dar a 300.000€ do superhabit do concello resulta pouco adecuado.

O goberno de Lourdes Ucha, ven de aprobar no último pleno, gastar 300.000 euros de superávit en pistas forestais e varias obras de saneamento, e ademais co apoio tácito de toda a oposición, que nos últimos meses esta a mostrar unha total desidia a hora de controlar a labor de goberno do PP.

 Dende o grupo local de Anova cremos que este este gasto non se adecúa as necesidades urxentes do noso concello por varios motivos:
 - en primeiro lugar hai uns orzamentos municipais, que se elaboran cada ano, e que deberían dar adecuada saída a este tipo de proxectos.
 - en segundo lugar, o superávit, que sae do peto de todos os veciños, non é unha caixa chea de cartos sen

As rebaixas de veran chegan o Concello de Cambados

O Concello rebaixa a 17.000 € a adxudicación da Carpa Gastronimica da festa do Albariño o non atopar ningunha empresa interesada, a pesar de que esta medida perxudica a Hostelería local, xa bastante afectada pola crise e a suba de impostos.



Carpa do Albariño Público Xeral

Dende o Grupo Local de ANOVA – Irmandade Nacionalista de Cambados queremos manifestar públicamente que non estamos de acordo coa rebaixa do importe da adxudicación publicada no B.O.P. polo Concello de Cambados (Pax. 28 deste enlace) do concurso para a adxudicación da explotación da Carpa Gastronómica, no lateral do paseo da calzada durante a LXI FESTA DO ALBARIÑO 2.013.

De todos e sabido a mala situación na que se atopa a hostalería no concello de Cambados, e o continua sangría de peche de negocios, que non son capaces de aguantar a diminución dos ingresos que están a sufrir.  So fai falla dar un pequeno paseo polas rúas do centro de cambados, e observar a cantidade de establecementos de hostalería que se atopan pechados, e como cada dia vai aumentando pouco a pouco esta lista, co aumento de desemprego que implica. A pesares de atoparnos con esta situación dramática o goberno do Partido Popular, segue buscando por todolos medios que se instale esta carpa, inda que non exista ningunha empresa interesada nesta adxudicación, rebaixando o importe da mesma en 3.000 €.

A GRAN ESTAFA DE DURAN, Explicada con datos, non con insultos

A empresa non ten cartos e leva mais de un ano sen pagar a hipoteca, o concello esta na ruína por que a 31/12/2011 presenta débedas con acredores por importe de 10.646.222,16 €, moitos dos térrenos non foron pagados na súa totalidade aos veciños, térrenos que non poden recuperar os propietarios, por que teñen unha carga hipotecaria que leva dende abril de 2012 sen ser abonada, e todas aquelas persoas que se achegaron en febreiro do 2011 a deixarlle o seu curriculum o alcalde no salón de plenos do Concello, foron estafadas, xa que a empresa recoñece que non ten comprador nin existe contrato con ningunha empresa para o aluguer da superficie comercial.

A semana pasada dende o Grupo Local de ANOVA de Vilanova de Arousa remitiamos aos medios unha nota alertando sobre a situación financeira na que se atopa a promoción da Area Comercial de Deiro - Vilanova de Arousa e pedíndolle ao Alcalde Gonzalo Durán explicacións públicas de todo o proceso e tamén sobre o que isto supoñía para o Concello.

AGE acusa á Xunta de vender fume e desbaldir os cartos europeos para o Hospital do Salnés

A Xunta do señor Núñez Feijóo continúa producindo fume e propaganda en grandes cantidades. Desta volta, tócalle ao Hospital do Salnés, condenado a non ser máis ca, en palabras do deputado de Alternativa Galega de Esquerda (AGE) Juan Fajardo, “un ambulatorio grande”. “E isto pode producir mortes”, engadiu Fajardo na comisión 5ª de Sanidade do Parlamento de Galicia, en que se debatían propostas de PSdeG e BNG sobre a necesaria ampliación da infraestrutura. A proba, e así o expresou o parlamentario de AGE sen que o Partido Popular o negase, é que a ampliación non se realizará este ano. Esta circunstancia provocará que se perdan 6.000.000 de euros prometidos para ese particular, que dependen de fondos europeos e que se non se gastan este ano, serán retirados.

“Só o enorme compromiso dos seus profesionais evita que se converta nunha especie de corredor da morte”, afirmou Fajardo. Antes lembrara a longuísima restra de promesas do PP incumpridas, incluídas as escritas pola deputada da dereita Marta Rodríguez Arias no seu blog cando gobernaba o bipartito. “Era unha cuestión que o PP reclamaba de maneira belixerante cando estaba na oposición”, recordaba o membro de AGE. As demandas da comarca do Salnés referentes ao hospital inclúen a habilitación dunha Unidade de Coidados Intensivos, quirófanos –esixidos por Rodríguez Arias na mesma comisión en 2007-, a mellora do servizo de urxencias ou unha unidade de reanimación.    

Feijóo pretende converter Galicia nunha esterqueira co plan mineiro

O denominado plan de actividades extractivas da Xunta do señor Núñez Feijóo converterá Galicia “nunha esterqueira”. Así llo explicou esta mañá na sesión de control a viceportavoz de Alternativa Galega de Esquerda (AGE), Yolanda Díaz, ao presidente. “Vostede regala o país por anacos e quere convertelo nunha colonia vendida ás transnacionais”, afirmou, “e mentres a comarca de Ferrol está en guerra contra as súas mentiras, vostede está a prol de furar a terra coas minas a ceo aberto”. O proxecto do Goberno do PP permitirá habilitar calquera parte do territorio para extraer metais e minerais. É dicir, calquera lugar será susceptíbel de mudar en mina.

“Pero é que ademais quere envelenar a terra, porque vostede sabe moi ben que se precisa tonelada e media de cianuro para extraer uns gramos de ouros”, engadiu Díaz. O señor Núñez apenas respondeu máis que con vagas apelacións ao seu presunto respecto pola legalidade. Mentres o seu Executivo asente ao espolio nacional, ao que, en palabras da viceportavoz de AGE, “é o modelo Eurovegas en Madrid, aquí as minas a ceo aberto”, o presidente da Xunta inventa –en sede parlamentaria- cifras sobre os supostos empregos que crearán as explotacións mineiras.

O PP négase a que a Xunta só contrate con empresas que respectan a legalidade laboral

Alternativa Galega de Esquerda (AGE), a través dunha moción defendida pola deputada Consuelo Martínez, volveu esixir no Parlamento de Galicia que a Xunta só contrate empresas que cumpren coa legalidade laboral. “Parece incríbel”, admitiu Martínez, “que haxa que vir ao Parlamento para lle pedir ao Goberno que cumpra a lei”. A parlamentaria de AGE enumerou casos concretos de compañías que traballan para a Administración autonómica mentres violan leis, convenios e dereitos laborais. Entre elas, algunhas condenadas por non cotizar á seguridade social, por contratar esquirois durante as folgas, por non aplicar os convenios colectivos ou por non respectar os dereitos laborais de, por caso, as nais.

Logo de aceptar unha emenda de transacción do PSdeG, a moción de Alternativa, apoiada por toda a oposición, foi rexeitada polo PP a través dun deputado prepotente e máis de argumentos limitados que se dedicou a amparar a empresas contratadas pola Xunta que non cumpren a lei.

 

AGE esixe unha solución política para o calote das preferentes

Alternativa Galega de Esquerda (AGE) manifesta a súa repulsa pola nova viravolta dos gobernos prisioneiros da troika de Compostela e Madrid no calote das preferentes e esixe que NCG Banco suprima o prazo para solicitar a arbitraxe anunciado onte. Segundo o novo requirimento, explicado por unha entidade agora mesma propiedade do Estado a través do FROB, o vindeiro luns 17 de xuño rematará o tempo para “revisar e aceptar” 21.200 casos de arbitraxe de vítimas das preferentes e as subordinadas. Para AGE, a solución ao roubo organizado pola banca nas denominadas participacións subordinadas e preferentes só pode ser política a través da negociación entre o señor Núñez, Marino Rajoy e o FROB. Porque NCG Banco, arestora, pertence ás arcas públicas e o gasto que implicaría devolver aos aforradores o total das cantidades estafadas non resultaría. Pero isto sería posíbel se o señor Núñez exercese de presidente de Galicia e non de recadeiro da troika e de mandado de Rajoy no seu brutal ataque contra as clases traballadoras.

O Grupo Local de Anova I.N. en Vilanova de Arousa denuncia que o equipo de goberno oculta información sobre a situación actual pola que pasa a Area Comercial de Deiro

Advirten da mala situación financiera na que se atopa a promotora, de que os terreos están hipotecados e de que Gonzalo Durán enganou a cidadania coa iniciativa de entregar curriculums.

 O Grupo Local de ANOVA – Irmandade Nacionalista en Vilanova de Arousa quere denunciar públicamente a situación na que se atopa a promoción da Área comercial de Deiro, derivada do mal estado financieiro polo que pasa a empresa promotora; así como a actitude de ocultar información e enganar aos cidadáns que o alcalde e equipo de goberno mantiveron e manteñen ao respecto deste tema.

ANOVA Irmandade Nacionalista tivo coñecemento desta situación na que se atopa Desarrollos Vilanova SL, que a levarían a presentar pre-concurso de acreedores, propondo aprazamentos nos pagos a acreedores de ata 5-6 anos, cando aínda ten sen terminar de pagar parte dos terreos adquiridos en Deiro para o desenvolmento da area comercial, terreos que ademáis estarían gravados por unha hipoteca dunha importante suma que supera o millón de euros, mentras a propetaria dos terreos non atopou nestes anos, a pesares de ser a sua principal prioridade, un socio inversor, promotor, ou comprador para os terreos, sendo inevitable a presentación do pre-concurso de acreedores.

A máxima responsable do marisqueo recoñece a necesidade de reducir a idade de xubilación das mariscadoras

O deputado de Alternativa Galega de Esquerda (AGE), Juan Manuel Fajardo, destacou na comisión parlamentar celebrada esta mañá a necesidade de traballar para reducir a idade de xubilación das mariscadoras no noso país idea que obtivo o respaldo da máxima responsable do sector do marisqueo en Galicia. As xustificacións aportadas polo deputado de AGE baseábanse nas duras condicións desta actividade que coincidiu en sinalar a directora xeral.

Dado que a directora xeral de desenvolvemento pesqueiro, Susana Rodríguez, recoñeceu ao deputado de AGE o inadecuado de que traballadoras de máis de 65 anos teñan que continuar baixando ao mar máis aló dos 60 anos, AGE trasladará, a través dunha iniciativa parlamentar, a necesidade de incrementar os coeficientes redutores que permitan a xubilación a menor idade das mariscadoras, ao tempo que o grupo parlamentar continuará a traballar por reducir a idade de xubilación do conxunto de traballadores e traballadoras do país.

O PP está a asfixiar a educación no rural coas súas ‘políticas de volta atrás’

Alternativa Galega de Esquerda (AGE) insiste na necesidade de loitar contra a actual situación de abandono que está a sufrir o rural no noso país establecendo un plan con actuacións transversais nos que a mellora da política educativa constitúe un das claves. Os deputados Xabier Ron, Ramón Vázquez e Antón Sánchez reuníronse esta mañá con representantes da Mesa Galega de Educación no rural para tratar a situación de asfixia que se está a vivir no rural a causa das políticas de volta atrás impulsadas polo conselleiro de Educación, Jesús Vázquez.

 

Os deputados de AGE e os membros da Mesa coincidiron en sinalar como urxente a posta en marcha de iniciativas orientadas a loitar contra a situación de abandono que está a provocar a actual política do Partido Popular no goberno galego coa que está a provocar o desmantelamento do medio rural no seu conxunto. Por iso, desde Alternativa Galega de Esquerda se insiste na necesidade de elaborar un plan de fomento do rural desde unha perspectiva transversal onde se integren accións de fomento da economía, infraestruturas, servizos, educación…

O Comercio galego: en proceso de exterminio polas políticas do PP

Galiza é a Comunidade do estado onde máis descenden as ventas e a ocupación do comercio minorista.

Mentres os comercios esmorecen ou pechan, o PP segue favorecendo ás grandes superficies comerciais.

 Os datos estatíticos publicados hoxe polo INE, relativos á evolución do comercio minorista no último mes (abril de 2013) poñen de manifesto os resultados da política de exterminio do pequeno comercio ao que levan as políticas do PP, tanto a nivel de Estado como de Galiza. Consulta aquí os datos.

No mes de abril do 2013, Galiza é a segunda comunidade do Estado na que máis descendeu a actividade do sector do comercio e a primeira por descenso no nivel de ocupación (emprego do sector). Se temos en conta a media anual deste 2013, Galiza é a primeira en descenso de actividade e ocupación. En consecuencia, Galiza é a comunidade do estado onde máis descende a actividade e o emprego do sector do comercio.

E diante de tal situación estrutural de regresión, esmorecemento e desaparición do pequeno comercio, o PP segue favorendo a implantación e desenvolvemento das grandes superficies comerciais. Anova lembra ao respecto que o PP rexeitou recentemente unha iniciativa do grupo parlamentar de AGE para implantar un tributo propio, de aplicación ás grandes superficies

comerciais e cuxa recadación iría dirixida á posta en marcha dun plan de apoio económico ao pequeno comercio.

A política de desertización económica do PP está a finiquitar ao pequeno comercio, orfo de medidas económico-financieiras e fiscais de apoio.