A REALIDADE DA AUSTERIDADE NA XESTIÓN DO PP NO CONCELLO DE CAMBADOS

ANOVA quere facer publica a forma de xestionar os fondos públicos polo goberno do PP de Cambados que esta moi lonxe da austeridade.

O Goberno do PP a través de varios medios de Comunicación, e ata dende a propia web municipal, ven manifestando que os orzamentos son redactados tendo en conta e adaptándose a realidade económica que estamos a vivir, chegando a sinalar cos orzamentos están marcados pola política de austeridade, ademais de pedirnos un esforzo a cidadanía coa subida das distintas taxas e impostos que sufrimos tódolos veciños de Cambados, nesta época na que toca apertar o cinto.

 

Pero dende Anova Cambados, queremos facer publico a forma de xestionar os fondos públicos do Concello por parte do Goberno do PP, e coma estes fondos que son recadados grazas o esforzo de tódolos veciños para pagar o seus impostos, son utilizados por parte do Goberno do PP, para manexalos o seu antollo, e ata a chegar a asumir débedas de terceiros nas que non se percibe nada a cambio, polo que nada ten que ver a forma de xestionar os recursos municipais coa Austeridade que tanto presumen.

Como se pode observar no Informe da Interventora Municipal do pasado 18 de outubro de 2012, na imaxe adxunta, o Concello de Cambados, a través do Alcalde do PP, Luis Aragunde, asumiu a débeda de Estación Náutica Rías Baixas, por importe de 6.326,66 €, débeda que mantiña este organismo coa Asociación de Estacións Náuticas de España, e que grazas a xestión do Goberno do PP, pasámola a asumir tódolos veciños de Cambados, pero como expón a interventora municipal, tratase dunha asunción de débedas mediante un contrato irregular, e entre outros motivos polo que se informou a alcaldía coma irregular e que debería darlle vergoña os dirixentes do PP de Cambados, e que se está a asumir unha débeda dun terceiro, según palabras textuais da Interventora Municipal, na que se “…asume unha obriga sen contraprestación (non percibe nada a cambio), é dicir non é oneroso, dado que nin a Asociación de Estaciones Náuticas de España nin a Estación Náutica Rías Baixas asume ningunha obriga nin contraprestación…”, chegando a expoñer a Interventora Municipal no seu Informe, “…Desde outra perspectiva, e ao estar asumíndose unha débeda dun terceiro sen xustificar o motivo, estase producindo unha obriga unilateral cun terceiro sen ningún tipo de xustificación, co cal esta claro que estamos na asunción dunha obriga económica sen xustificación de ningún tipo. Esa saída de fondos que implica a obriga económica asumida non ten xustificación nin motivación e como non pode ser unha subvención, dado que non se cumpre os requisitos da lexislación de subvencións, estamos realmente nunha entrega de fondos, a través dun contrato de asunción de débedas de forma unilateral por un terceiro, que vai contra os principios esenciais da asunción dos gastos dos entes públicos” e afirmando con rotundidade o final do informe, “Os Concellos non poden asumir débedas dun terceiro, e menos de entidades privadas”.

Esta e a forma de aplicar a Austeridade por parte do Goberno do Partido Popular?
Como pode asumir mediante un contrato unha obriga sen existir ningún tipo de contraprestación?
Por que temos que asumir unha débeda tódolos veciños de Cambados dun terceiro sen percibir nada a cambio?
Por que asina un contrato asumindo esta débeda o noso Alcalde en representación de tódolos veciños de Cambados, se non existe contraprestación algunha?
Estaría disposto a facerse cargo el persoalmente co seu patrimonio persoal da débeda xa que os veciños non vamos a percibir nada por esta obriga?

Dende Anova Cambados consideramos que esta forma de actuar por parte do goberno do PP en Cambados esta moi lonxe da Austeridade que tanto presumen e que según estes documentos queda claro que non se aplica, polo que nos vemos na obriga ante esta forma de actuar de facer públicos no noso Blog, nos enlaces o final da entrada, o contido integro da Conta Xeral dos Orzamentos do Exercicio 2012, que vai ser tramitada para a súa aprobación no próximo pleno do vindeiro Xoves 29 de Agosto, e que tódolos veciños teñen dereito a consultalas, e poderán ver tódolos informes da Interventora Municipal polas distintas irregularidades que se están a cometer por parte do Goberno do PP de Cambados, e que ocupan mais de 200 paxinas.

Para o Grupo Local de ANOVA Irmandade Nacionalista de Cambados non se pode seguir ignorando estas irregularidades, entendemos que xa está ben desta situación.  Estamos nun momento en que os cidadáns están cansos de ver todos os días situacións de corrupción na política, de tratos de favor e como se manteñen determinados privilexios, polo que entendemos que o PP non pode seguir a actuar así en Cambados. Non nos poden esixir esforzos a cidadanía aumentando ano tras ano a carga impositiva, a pesares da situación que estamos a sufrir e con moitos veciños do Concello de Cambados en situación de Desemprego e sen apenas recursos, mentres eles utilizan eses fondos para asumir obrigas de pago na que os veciños non temos ningún tipo de contraprestación nin percibimos nada a cambio, simplemente por que os nosos dirixentes queren asumir unha débeda dun terceiro. Non se pode esixir un esforzo a cidadanía nestes momentos por parte do Goberno de Cambados do PP mentres están actuando desta maneira cos fondos públicos, polo que consideramos que esta forma de actuar os esta a desacreditar en futuras subidas de impostos, como farán dentro duns meses coa subida teórica do IPC.  

Preme na Imaxe para acceder os Reparos de Intervención e a Conta Xeral do Concello de Cambados do Exercicio 2012.

  



 

ENRIQUE OUBIÑA SOLICITARA INFORMACIÓN SOBRE UNHA OBRA LEVADA A CABO NO RÍO UMIA, NA ZONA COÑECIDA COMO "O ATRANCO".

  Construíuse un muro que atravesa todo o río embalsando a auga  e ANOVA quere averiguar  os motivos de tal obra e se a actuación cumpre coa legalidade vixente.

 

   O Concelleiro da corporación municipal de Ribadumia, Enrique Oubiña, pertencente ao Grupo local de ANOVA, presentara este luns un escrito solicitando información sobre unha actuación que se ven de levar a cabo no río Umia, na zona coñecida como “o atranco” en Cabanelas, situada uns metros máis arriba no cauce do río da ponte de Cabanelas .

Como se pode comprobar a simple vista, as obras consisten basicamente na construción dun muro de contención, que atravesa todo o ancho do río, embalsando a auga na parte de arriba.  Varias cousas chaman a atención de ANOVA en relación a estas obras: por un lado non se aprecia ningunha canle que garanta o mantemento dun “caudal ecolóxico” que permita (especialmente no veran, cando o río baixa con pouca auga) o paso libre de auga,  nin moto menos dos peixes ou calquera outra fauna,  e na zona tampouco hai instalado ningún cartel informativo das obras, polo que non hai xeito de saber quen é o promotor da obra e cal é a finalidade da mesma.  

   De feito, nese punto do río  atópase unha captación de auga para o Hotel da Toxa, pero  tamén se atopa unha finca moi coñecida entre os veciños de Ribadumia, na que o Partido Popular soe facer moi habitualmente xuntanzas e algunha que outra celebración lúdico-festiva, como a celebrada onte coa presencia de  Mariano rajoy, con Feijoo  e toda a plana maior do PP do Salnes, unha finca que motivou que no seu dia se cambiara o trazado do paseo fluvial, desprazandoo para a outra beira do rio, e na que estes días se estivo ademais a realizar, curiosamente coincidindo coa obra do mencionado atranco no rio,  un  recheo que a simple vista parece querer buscar a creación dun pequeno areal artificial. De feito existe xa un pantalán tamén propiedade privada na zona na que se está a embalsar a auga.

 

   Non debemos esquecer a importancia que ten o río Umia, polo que se debe velar para evitar intervencións que sexan prexudiciais e alteren o curso natural da auga no mesmo. Tamén hai que lembrar que un pouco máis abaixo desta obra atópase a zona de baño de Cabanelas, onde tamen soen entrenar os deportistas do Clube naútico “O Muiño”, que xa mostraron o seu incomodo con esta obra, pois o pequeno embalse bloquea o paso da maior parte da auga e  impidelle ós nenos poder entrenar con normalidade coa marea baixa.. 

   Unha  persoa malpensada, ante esta maneira de actuar, poderia crer que todo isto busca crear unha praia artificial coa súa charca particular para o disfrute de catro privilexiados, pero dende Anova agardamos encontrar unha explicación menos molesta e mais racional. Por todo isto, ademais de dar cumprido parte ós servizos de medio ambiente,  solicitaremos do Concello que informe sobre quen é o promotor da obra e a finalidade da mesma, así como se cumpre coa normativa vixente e conta con todos os permisos correspondentes para a realización da mesma.

   Tamén solicitaremos o acceso ao proxecto, no caso de existir e estar presentado no Concello e, finalmente, no caso de que non cumpra coa normativa, esixiremos que por parte do Concello se tomen as medidas oportunas para a paralización da obra, que se comunique a situación as administracións responsables de velar pola legalidade e tamén solicitar que se deixe a zona nas mesmas condicións que estaba antes do inicio da obra.

O grupo local de ANOVA en Vilagarcía celebra a ESPERADA DIMISIÓN do concelleiro de Cultura

Agarda que a súa marcha supoña un cambio na xestión da política cultural realizada polo equipo de goberno de Vilagarcía de Arousa.

Diante das novas aparecidas no día de hoxe polas que se informa da dimisión do Concelleiro de Cultura de Vilagarcía de Arousa, o Grupo Local de ANOVA – Irmandade Nacionalista non pode menos que celebrar a súa dimisión, que por outra parte xa se debeu producir hai meses por cuestións puramente éticas e estéticas.

ANOVA lembra que xa tiña solicitado publicamente a dimisión do Concelleiro hai tempo, a través da distribución duns folletos titulados “O enterro da cultura...” (achégase copia). Nestes folletos informábase aos cidadáns sobre as intencións deste Concelleiro e do PP de implantar o pago  polo uso de locais públicos e centros veciñais, de poñerlles taxas aos grupos musiciais polo acceso aos locais de ensaio e tamén pola utilización dos espazos de exposición cultural. Xa criticabamos daquela a falta e diálogo do Concelleiro, a carencia de planificación cultural do Concello e pediamos a súa dimisión “por non ter lexitimidade para exercer un cargo despois das subvencións cobradas pola asociación que representaba e das que non se sabe, ou non se quere dar conta”. 

A semana pasada continuamos a solicitar a súa dimisión, xa concretamente pola falta de explicacións claras sobre a xustificación da actividade “Feirón Solidario”, utilizando incluso o nome doutras asociacións e ONGs que si fan traballo social... Nesta ocasión tamén fixemos carteis e folletos informativos que distribuímos por toda Vilagarcía.