Segundo
nos informaron varios dos participantes o Concello non limpou as instalacións
dende o inicio do torneo como se pode e comprobar polas fotos anexas, demostrase
unha total falta de limpeza das mesmas, con restos de comida polo chan e as
gradas, coas papeleiras desbordadas e
cos aseos e vestiarios nunhas condiciona hixiénico -sanitarias vergonzosas.
En
ANOVA. Preguntámonos, se é esa a imaxe que o PP e Luís Aragunde queren dar de
Cambados? Tan difícil era organizar a limpeza das instalacións durante a celebración
do torneo? E esta a colaboración que presta o Equipo de goberno aos Clubs que
levan o nome de Cambados e organizan actividades para traer a nosa vila xente
de fora? Para nos que estanos diante dun novo exemplo do pasotismo e falta de atención
que demostra o equipo de goberno.
A este tipo
de Campionatos acoden equipos de distintas partes do Estado, e ademais dos
membros do club, asisten tamén familiares, sen esquecer os propios medios de comunicación desas rexións así coma
da Federación Española de Baloncesto, polo que nestes días vese unha gran
afluencia de publico en xeral nas instalacións do Pombal. Dende o grupo local
de Anova entendemos que este aumento da afluencia de publico, debe levar
consigo un reforzo nas tarefas de limpeza e mantemento do recinto. En troques, atopámonos
cunha total falta de previsión por parte do Concello de Cambados, pois non se
tomou ningún tipo de medida de reforzo na limpeza das instalacións por parte do
equipo de goberno do partido Popular.
Dende
Anova Cambados consideramos que este tipo de eventos deportivos, ademais da
promoción do deporte, son beneficiosos para mellorar a imaxe da vila no resto
do estado, ademais de desestacionalizar
a demanda turística, ó atraer a visitantes á nosa vila fora das épocas
estivais, axudando así mellorar a difícil situación da hostalería nestas épocas
de crise. Pero tamén consideramos que coa falta de previsión por parte dos
dirixentes populares, a imaxe que estamos a dar ante os visitantes que se achegan
as instalacións deportivas municipais do Pombal durante o transcurso deste
Campionato, para nada benefician a imaxe da vila, e por culpa desta penosa
maneira de actuar, estamos a dar unha moi mala imaxe do noso concello.
Nestes
tipo de actos creemos que é onde si se deberían utilizar as horas
extraordinarias dos empregados municipais, para poder mellorar a limpeza das
instalacións, no canto de utilizalas por riba do exceso que establece a
lexislación laboral, en favorecer economicamente a membros da corporación
municipal, ademais de que o seu custo e moito menor xa que os traballadores da
limpeza do concello non perciben os salarios dos asesores da corporación
municipal, e non dariamos esta pésima imaxe a tódolos visitantes que se acheguen
o Pombal durante o transcurso deste campionato, ou de outros que puidera haber
Por
este motivo maña presentaremos un escrito no concello pedindo as pertinentes
explicacións, ademais de esixirlle o equipo do señor Aragunde que actúe con
máis seriedade e competencia neste tipo de eventos.
No hay comentarios:
Publicar un comentario